– Er det nokon som fortener ei julestjerne, eigentleg fleire, så er det verkeleg Endre Oldeide og familien som driv Bunnpris i Holvik, seier Iselin Oldeide til Fjordenes Tidende.
Ho og mange andre set pris på jobben Oldeide-familien gjer.
– Dei held butikken open sju dagar i veka og jobbar og står på kvar ein dag så andre kan få handle det dei treng, om så det er rett før stengetid eller på søndags morgon.
Ho meiner det er viktig å vise at jobben Endre og familien gjer blir verdsett.
– Dei er alltid tilgjengelege, hjelper til med det meste og står på for kundane sine. Det er så viktig å sette pris på jobben dei gjer og å ta vare på lokale butikkar på bygda. Dei fortener all ros og ei julestjerne, seier ho.
Glad for dei fine orda
Endre Oldeide og dei andre på butikken denne dagen synest det er fint å bli sett pris på.
– Det ligg vel hos alle å sette pris på fine og gode ord frå andre. Eg tenker eigentleg berre at eg gjer jobben min, seier Endre Oldeide med eit smil.
Han set stor pris på at folk meiner dei fortener ei julestjerne frå Fjordenes Tidende.
– Det synest vi sjølvsagt er kjekt, og det er ei oppmuntring for oss alle saman,