Dei blei ein vanskeleg bergingsaksjon då reketrålaren KV Kvalstein frå Måløy fekk full stans på hovudmaskina under fiske i Barentshavet.

Vêret var svært dårleg med sterk vind og bølgjer opp i sju-åtte meter, melder NRK Finnmark.

Kystvaktskipet KV Svalbard var i patrulje ikkje så langt frå havaristen, og dei vart berginga. Kvalstein var i fiske 300 nautiske mil nord av Finnmark-kysten då maskina stansa torsdag ettermiddag.

Vêret var dårleg og Kvalstein dreiv i eit døgn før KV Svalbard klarte å få slepar om bord.

– Det var aldri fare for liv og helse til noen av mannskapet om bord, verken på Kvalstein eller på KV Svalbard. Men det var svært røffe forhold, og på grensen av hva som er mulig å gjennomføre, sier kapteinløytnant Gudmund Johansen, som er operasjonsoffiser på KV Svalbard til NRK Finnmark.

Skipper på Kvalstein, Gudmund Iversen seier til Fjordenes Tidende ay alle om bord har det fint.

Dei reknar med å vere inne i Havøysund søndag rundt klokka 15.30.

Han seier dei var tidleg i turen då maskina stansa. Iversen ville ikkje seie kva som er årsaka til at maskina stansa, men han reknar med at det skal gå raskt å rette feilen.

- Planen er å få om bord folk som kan fiinne feilen i maskina, og så er det planen å gå på feltet og fortsette fisket, seier Iversen.

Følg med på skipstrafikken.

Kvalstein har eit mannskap på 13. Fire av dei er frå Vågsøy.

Kvalstein er 100 prosent eigd av Vågsøy-reiarlaget Torbas AS.