Med 14 av 19 leilegheiter selde i Sagaparken Panorama og oppstart av prosjektet Hotellhagen med 22 leilegheiter, har Dvergsdal og Sunde stor tru på bustadmarknaden i regionen.
14 av 19 leilegheiter er selt i leilegheitsbygget Sagaparken Panorama i sjøkanten på Nordfjordeid. Avdelingsleiar i Dvergsdal og Sunde Nordfjordeid, Rune Sunde, har god tru på bustadmarknaden i regionen. No har firmaet også starta bygginga av prosjektet Hotellhagen, som kan bli 22 leilegheiter ved Nordfjord Hotell. Dette skal ifølge Sunde bli leilegheiter som passar for nyetablerarar. – Det er ein veldig bra marknad for leilegheiter no. Vi ser det spesielt godt i Eid, Førde og Sogndal, fortel Sunde. Foto: Marianne S. Rotihaug