Bil har køyrt av vegen og i fjellet – trur føraren kan ha prøvd å unngå å treffe eit dyr

Ulykka har skjedd ved Lefdal i Stad kommune. Staden ligg mellom Måløy og Nordfjordeid.

– Ein bil har køyrt i fjellveggen, naudetatar er på veg, opplyser redningsleiar ved 110 Vest, og like etter varslar Vegtrafikksentralen Vest det samme.

Fjordenes Tidende har snakka med ein forbipasserande som køyrde forbi like etter ulykka. Uhellet har skjedd på den rette strekninga like etter Lefdal gruve.

– Eg møtte alle naudetatane, seier tipsaren.

Politiet har kome fram på staden og fortel at det berre var førar i bilen.

– Ein bil har køyrd av vegen og inn i fjell eller stein. Det var berre førar i bilen. Førar er vaken og hevder seg uskadd, opplyser operasjonsleiar ved Vest politidistrikt.

Føraren av bilen er likevel prega av hendinga, fortel politiet, som opplyser om ein mogleg årsak til ulykka.

– Det er mogleg at ein unnamanøver for dyr i vegbana har forårsaka uhellet.