Tove Nerland blei overraska på jobb av marknadsrådgjevarar i Fjordenes Tidende, Kim-André Gangeskar og Vilde Myhre Skavøypoll, medan ho hadde ein pasient i stolen.
– Jøss, og eg som aldri vinn, var den spontane responsen frå Nerland då Fjordenes Tidende møtte opp.
Som vinnar av årets fjerde av fem trekningar, passar det kanskje ekstra godt når ein no nærmar seg førjulstid og hektisk julegåve-shopping.
– Ja det her kjem godt med det her. Og eg kjem til å halde fram med å handle lokalt, seier den heldige vinnaren.
Sjå kven som stakk av med premien til ein verdi av 20.000 kroner
Gode vinnarsjansar
Kim-André Gangeskar kan fortelje at kampanjen framleis er veldig populær.
– Mange av butikkane har fulle postkasser. Det er kjekt! Det alltid gøy å overraske ein heldig vinnar med denne premien, seier han.
Det er likevel framleis gode moglegheiter for å stikke av med ein premie som vil pynte godt på privatøkonomien før nyttår.
– Den siste trekninga i år vil skje om nokre få veker. Så når du skal på julehandel, så må du handle lokalt og hugse å skriv namn og telefonnummer på lappane og legge dei i postkassene til butikkane. No kjem det to tette trekningar som er veldig nære kvarandre, så vinnarsjansane er jo veldig store her, seier Gangeskar.
Mange butikkar
I år deltek desse butikkane i Fjordenes Tidende sin kampanje: Brunsvik Jernvare, Arnes Blomsterverden, Bakeriet, Fagmøbler, XL Bygg, Toyota Nordfjord, Fargerike, Sports, Radio-TV Service, Intersport, Kontorpunkt, Verlo, Dragebygg, JobbPartner, Vic, Havfruen, Gangsø kontraktmøbler og Berge & co.
Desse får du sjå meir til på #eghandlarlokalt-karusellen på fjt.no der dei presenterer utval og tilbod dei har i butikkane.
For å melde seg på må ein fylle ut eit deltakarkort i butikken etter at ein har handla. På kortet skriv ein på namn og telefonnummer før ein legg lappen ned i postkassa.
– Ein kan vinne berre ein fyller ut ein einaste lapp. Men jo fleire gonger ein handlar og fyller ut ein lapp, desto større sjanse har ein for å vinne, avsluttar Gangeskar.