Det var måndag kveld at Tonny Grotle vart funnen død i eit næringsbygg i Bremanger.
– Namnet er frigitt i samråd med dei næraste pårørande. Familien tek det sjølvsagt veldig hardt, seier Espen Gulliksen til Fjordenes Tidende.
Gulliksen har vore i møte med familien, og seier at dei får oppfølging frå både kriseteam og prest.
– Eit stort sakn
Tonny Grotle hadde fleire roller i både næringslivet og Bremanger kommune. Ordførar i Bremanger kommune, Anne Kristin Førde, seier til VG at dette var svært trist.
– Vi har mista ein stor ressurs for heile kommunen, og det blir eit stort sakn for oss. Vår medkjensle går no til familien, seier ordførar Anne Kristin Førde.
– Uavklart
Espen Gulliksen seier at det tysdag kveld endå er uavklart kva som har skjedd, og at dei ikkje kjenner til at det har vore vitne til ulukka.
– Han arbeidde med ein vinkelslipar og vart funnen med nokre tunge stålkonstruksjonar over seg, men vi må som sagt vente til åstadgranskarane har vore på staden, seier Gulliksen.