Det vart ikkje den koselege helgeturen til hytte i Stryn familien frå Stadlandet hadde rekna med.

Mamma Renate Rødseth Hjelle fortel at dottera Julie på fire år fekk eit astmaanfall laurdag.

Trebarnsmora fortel at ho dermed reiste til legevaktsentralen på Nordfjordeid for aller første gang.

Den opplevinga som møtte ho der var av det Rødseth Hjelle karakteriserer som sjokkerande.

Rødseth Hjelle fortel at då dei kom fram til legevaktsentralen klokka 12.15 var venterommet allereie fullt av folk.

Først etter ein time fekk ho kome inn til legen slik at Julie kunne få ei dose medisin.

– Så kom det to ambulansar med pasientar og dermed vart vi sitjande i to timar å vente på at legen skulle få lytte på henne ein gong til, seier Rødseth Hjelle.

Når dei endeleg slapp til igjen, etter to timar, kom ein ny ambulanse med ein pasient det hasta frykteleg med og dermed vart opphaldet på venterommet enno lenger.

Rødseth Hjelle fortel at då dei kom inn igjen til legen vart det sagt at Julie var så tett at ho eigentleg skulle ha vore i Førde.

– Men der var det fullt på barneavdelinga og vi fekk beskjed om at dei ikkje kunne gjere meir enn det dei hadde gjort og sidan vi har eit forstøverapperat heime, kunne vi fortsette behandlinga der, seier Rødseth Hjelle.

Les heile saka og reaksjonar frå kommunelege i papirutgåva onsdag 10. oktober.

Bestill abonnement på Fjordenes Tidende