– 605 køyretøy blei kontrollert for bruk av bilbelte, og av dei var det ein førar og ein passasjer som fekk 1.500 i gebyr kvar for manglande bruk av bilbelte, seier Svein Ove Salt i Statens vegvesen.
18 lette køyretøy blei også kontrollert.
Her fekk ein førar gebyr for å ha hatt dekk under lovleg minimum.
To køyretøy fekk teknisk mangel på støy, og fem for teknisk mangel på lys.
På to køyretøy var ikkje senkesettet godkjent.
– Dei må visast Statens vegvesen for kontroll, seier Salt.
Ein førar fekk bruksforbod grunna manglande sikring av last og manglande merking av utstikkande last
– Her måtte førar sikre lasta betre og merke utstikk før vidare køyring, seier Salt.
Ein annar førar fekk bruksforbod grunna sikthindring i frontruta, og ein førar blei også meld til politiet.
– Vedkommande blei meld grunna manglande lys bak på tilhengar, lyskontakt var heller ikkje tilkopla, og i tillegg var lasta på tilhengaren heilt usikra. Stroppene låg lause oppå lasta, seier Salt.