Ein mann i 60-åra frå ytre Nordfjord er i Fjordane Tingrett dømd til fengsel på vilkår etter at han i november 2010 køyrde på handletur med 1,41 i promille.Det var midt på dagen ein novemberdag i 2010 at politiet stansa mannen midt på lyse dagen. Han hadde då køyrd ei strekning på 7 kilometer på ein trafikkert riksveg.
I Fjordane Tingrett la mannen korta på bordet, og vedgjekk å ha drukke alkohol før køyreturen.
Mannen er i Fjordane Tingrett dømd til fengsel i 16 dagar på vilkår, med ei prøvetid på to år.
Dette byggjer på at mannen har samtykka med å gjennomføre eit promilleprogram.
Vidare må han ut med heile 27.000 kroner i bot, pluss at han blir nekta retten til å ta førarkort i to år.
Mannen har forklart at han drikk alkohol for å medisinere seg sjølv, og at han drikk åleine. Men han nektar for at han har eit alkoholproblem, sjølv om folk nær han har reagert på alkoholbruken.
I formildande rettning legg retten vekt på at mannen har tilstått alle forholda rundt promillekøyringa.