− Regjeringa sa ja til å greie ut deling av Kinn kommune på bakgrunn av eit initiativ frå kommunen sjølv. Kommunestyret i Kinn har vurdert saka etter å ha fått råd frå innbyggjarane, og har konkludert med at ein ikkje ynskjer deling. Derfor avsluttar regjeringa no prosessen som kommunen sjølv tok initiativ til, seier kommunal- og distriktsminister Sigbjørn Gjelsvik
– Kinn er ikkje rekna som ein tvangssamanslått kommune. Då Stortinget vedtok samanslåing av Flora og Vågsøy i 2017, blei vedtaket fatta på bakgrunn av lokale vedtak om samanslåing i begge kommunestyra. Regjeringa sa ja til å greie ut deling av Kinn kommune på bakgrunn av eit initiativ frå kommunen sjølv, skriv Gjelsvik i brevet.
Statsråden: Det er kommunestyret som bestemmer kva som skjer med Kinn
Statsforvaltaren har også gått gjennom saka, og peikar på at det er både fordelar og ulemper knytt til ei eventuell deling av Kinn kommune, men landa til slutt på å innstille på at kommunen ikkje blei delt.
No lar også kommunalministeren og regjeringa det at samanslåinga var frivillig vege tungt.
– Kommunestyret i Kinn har så, etter å ha innhenta råd frå innbyggarane vurdert saka, og konkludert med at ein ikkje ønsker deling. Regjeringa vil derfor ikkje gå vidare med sak til Stortinget om å dele Kinn kommune.