Likestilt:

Vil bryte seg fram til OL i 2020

Iselin Moen Solheim må reise til utlandet for å finne brytarar som kan utfordre ho. No satsar 22-åringen fullt mot OL i Tokyo.

Iselin Moen Solheim, som har røter i Selje, satsar alt på å kvalifisere seg til OL i Tokyo i 2020, men for å klare det må 22-åringen til utlandet for å finne sterk nok motstand. Her trener Solheim saman med Kristine Greiner på Seljesanden. Foto: Privat  Foto: Privat

Sport

– Det er OL som er det store målet. Eg har sjølvsagt delmål undervegs, men det er dette eg satsar mot. Per i dag må eg reise rundt og finne betre brytarar. Sjølv om det blir fleire og fleire damer som melder seg på, så er det ikkje så veldig stor konkurranse i Norge enda, fortel Solheim, som har røter i Selje og Bremanger.

– Pappa er frå Selje og eg har besteforeldra mine der. Vi reiser alltid til Selje om sommaren. Sidan det er så langt er det ikkje berre å ta ein svipptur, men når eg har ferie frå sesongen bruker vi alltid reise, det har vi gjort sidan eg var lita, fortel 22-åringen, som bur på Notodden.