I første omgang hadde Måløy FK fleire sjansar, men det var gjestane frå Sunnfjord som scora først. Etter nær ein halvtime fann dei vegen til nettmaskene bak Måløy-keeper Eli Sofie Seim Skjølberg.

Men rett før dommar Muhamet Barlla signaliserte at det var pause på Måløy stadion kom reduseringa. Helene Marjavara Inselseth prøvde seg på eit langskot frå om lag 20 meter. Førde-keeperen gav retur og Siri Solibakke sette returen i mål. Laga gjekk til pause på stillinga 1–1.

Siri Solibakke utlikna for Måløy FK. Foto: Marianne S. Rotihaug

Måløy FK kom godt i gang i andre omgang, men ti minutt ut i omgangen dobla gjestane leiinga.

Kampen stod ei stund og vippa på 1-2, men det ville seg ikkje for heimelaget. Og då Førde scora tre på under ti minutt vart det tungt for Måløy. Like før slutt scora gjestane nok eit mål. Sjølv om det vart store siffer til slutt, hadde Måløy fleire sjansar og hang veldig godt med i store delar av kampen.

Sluttresultatet vart 1–6 på Måløy stadion fredag kveld.

Kampfakta

3. divisjon, kvinner, Måløy-Førde 1–6 (1–1)

Mål: 0–1 (26), 1–1 (45) Siri Beate Solibakke, 1–2 (56), 1–3 (70), 1–4 (72), 1–5 (77), 1–6 (88)

Dommar: Muhamet Barlla, Eid IL

Gult kort: Eitt til Førde

Måløy: E.S. Seim Skjølberg, L.I. Romuld Hagen, A. Lillenes Kvalheim, E. Gjerde Skavøypoll, C. A. Yuson Nygård, E. Torheim Andal, L. Hunvik Kvalheim, H. Marjavara Inselseth, S. Verpeide Rimstad, E. Farstad Hennøen, K.-M. Nykrem Hoddevik

Innbytarar: M. Solvang, K. Runderheim, R. Apneseth, S. Torheim Andal, S.B. Solibakke, J. Vågen, M. Håvik Melheim