Eid tapte 2–0 heime mot Sandane. Eid sitt damelag tapte fredag kveld på heimebane mot serieleiar Sandane på Eid Stadion. Trass i tap i dagens kamp har Eid sitt damelag tatt store steg sidan 5–0 tapet borte mot Sandane i serieopninga 25. april.
Eid starta kampen best, og allereie etter sju minutt kunne Eid tatt leiinga 1–0. Eitt frispark frå Marte Skeistrand small i tverrligaen bak Sandane sin keeper Kristina Hjelle.
Like etter gav Emma Mellingen Lothe bortelaget leiinga 1–0 på eit flott skot frå om lag 16. meter. 1–0 til Sandane var også pauseresultatet i kampen. – Eg synst vi er det beste laget i fyrste omgang. Litt betre på siste tredjedel s\ kunne vi ha skåra nokre mål, seier Eid sin trenar Henning Haugen etter dagens kamp.
Etter ein relativt jamspelt 1. omgang tok Sandane meir og meir over føringa i kampen utover i 2. omgang.
Eid skapte ikkje mange sjansar etter pause, og det var derfor fullt fortent då Regine Aa Sandal fastsette sluttresultatet til 0–2 fire minutt på overtid. – I andre omgang blir vi for baktunge og Sandane har presset på oss. Men, dei skapar ikkje mykje. Vi klarar dessverre ikkje å behalde ballen noko særleg når vi får den. Eg er bra fornøgd med gjennomføringa og bra med utvikling sidan sist vi møtte dei, avsluttar trenaren til Eid, Henning Haugen. Lene Refsnes spelte ein god kamp, og blei heilt fortent kåra til Eid sin beste spelar.
Eid sin neste kamp i serien er borte mot Sogndal Fotball/Sogndal FK 2 fredag 3. juni.
Eid – Sandane: 0–2 (0–1)
0–1 Emma Mellingen Lothe (12. min)
0–2 Regine Aa Sandal (90. min+4)
Dommar: Olav Næss (Stryn T & IL)
Gult kort: Lisa Skarstein, Eid og Karoline Hjelle, Sandane
Eid:
Marita Berget Alsaker
Linnea Stokke Lillestøl
Tuva Sigdestad Lund
Lene Refsnes
Amanda Marie Challen
Tara-Mari Hovden
Marte Skeistrand
Andrea Vedvik
Bente Kristin Humborstad
Julia Felde
Lisa Skarstein
Innbytarar:
Andrea Engeseth Naustdal
Mathilde Solheim
Julie Hagen Henden
Dina Helena Grönstrand Taklo
Solveig Barstad
Sandane:
Kristina Hjelle
Martine Kvamme
Alva Johanna Heggdal-Verlo
Katrine Bruland
Borgny Kristin Hetle
Emma Mellingen Lothe
Sofie Borge Tilrem
Kristine Lothe Rustøen
Sara Lothe Rustøen
Karoline Hjelle
Malene Utheim
Innbytarar:
Mathilde Onstad Takle
Azeb Abrha Habte
Natalie Kandal
Regine Aa Sandal
Torine Langeteig
Mathea Gimmestad