I april blei det klart at Magne Elde hadde fått jobben som trenarutviklar i Måløy-klubben. Saman med makker Håkon Kongshaug vil dei bidra med kommentarer, analyser og god stemning på dei direktesendte kampane framover.
Magne blir trenerutvikler: – Vi er en fotballklubb med sportslige ambisjoner
– Det er spennande å få lov til å vere med på å skape engasjement og bygge opp under lokalfotballen. Rett og slett få litt meir fokus på fotballen, seier Elde.
Dei som følgde med på sendinga førre helg då Måløy møtte Stryn borte, fekk med seg bremangaren sin debut som kommentator.
– Det var første gong eg har kommentert noko som helst. Eg har mykje trenar- og leiarerfaring, men akkurat det å formidle fotball på den måten er nytt for meg, men det er spennande å prøve nye ting, seier Elde, som no altså skal prøve å finne seg sjølv for fullt som kommentator.
Gjekk på ein kjempesmell i indre Nordfjord. Sjå kampen i opptak her
Så langt har det gått bra.
– Eg har berre fått positive tilbakemeldingar sjølv om eg på ein måte kasta meg ut i det i kampen mot Stryn. Og når det er noko som er nytt, har ein ikkje alltid fasiten på korleis det skal gjerast, så då må ein finne sin eigen måte å gjere det på, og så utviklar ein seg etter kvart.
Prøvesendinga han var med på til kampen mot Stryn gav meirsmak, og no blir han altså ofte å høyre på fjt.no.
– Eg og Håkon kjem nok til å bytte litt på det. Det blir både herrekampar og nokre damekampar, seier han.
Fjordenes Tidende sende også nyleg den første heimekampen til Måløy sitt damelag i 3.-divisjon då dei slo Sandane 4–0. Det skal vi også gjere meir av, og resten av sesongen kan ein også sjå alle heimekampane til damelaget direkte på fjt.no.