Dorullar, tennissokkar og eggkartongar har fått nytt liv i nisselandsbyen i Golvsengane barnehage på Nordfjordeid.
130 ungar på åtte avdelingar har jobba intensivt for å skape nissar i alle slags fasongar.
– Dei minste har brukt handa si som form for å lage nissar, dei større ungane har laga litt meir avanserte. Men alle har vore med på sin måte, fortel avdelingsleiar Sølvi Sørland.
Ungane sjølve er storfornøgde over landsbyen som lyser opp og skapar førjulsstemninga. Utstillinga er open for alle som vi sjå nisselandsbyen.