Kjetil Friberg er 51 år, gift og bur på Drage på Stadlandet. Han driv butikk og er småbrukar.
– Kva er du mest oppteken av?
– Å ta vare på kommunen vår. Vi må vite kva vi gjer i desse kommunesamanslåingstider.
– Kva gjer du på fritida?
– Fritid? Må bli stell av dyr, gard og grunn.
– Kven beundrar du?
– Eg beundrar kona. Ho har stor arbeidskapasitet og stort engasjement for lokale aktivitetar innen blant anna bondenæringa.
– Kva er det beste med heimstaden din?
– Fantastisk natur og hyggelige mennesker. Og massevis av veir.
– Kva står på di førsteside av Fjordenes Tidende?
– Ordførar Gunn Sande åpna i går Stad skipstunnel frå brua på den nye hurtigbåten Bergen-Ålesund.
– Kva ville du ha gjort om du var ordførar for ein dag?
– Sett i gong bygging av Libberveien.
– Kva kulturoppleving hugsar du best?
– Må vere Dragseidspelet, slaget på Sverdeggja. Eit supert lokalt stykke.
– Kva har du på nattbordet?
– Illustrert vitenskap og vekkerklokke, som er mobilen.
– Kva nettstadar er du innom i løpet av en dag?
– Avhengig av nyheiter, så det vert mykje avislesing og Facebook.
– Kva er meininga med livet?
– Meninga med livet? Det må vere å overlate verda som ein litt betre stad og bu for neste generasjon.