Matskulen byr på oppskrifter utarbeida av MVS-elevane i La nature gourmet UB i samarbeid med kokk- og servitørfaglærarane Iren Hammersvik, Bente Iren Vonheim og Monica Iren Venøy Lexau. I dag har Jeremy Admiral laga krabbesalat.
Har du plukka av haustens solbær og putta dei i frysaren? Ta dei opp! Jon Henrik har laga ein frisk solbærmousse med vaniljesaus som han anbefalar. Oppskrifta rekk til seks til åtte personar.
Dette treng du til solbærmousseen:
½ liter fløyte, piska til ein luftig krem
250 gr. solbærpurè
4 eggekvite
170 gr. sukker
7 plater gelatin
Slik lagar du mousséen:
Lag først ein solbærsorbè; ha bæra i ei skål og knus dei ved hjelp av ein puré- stav. Køyr bæra saman til ei glatt masse. Sil den for å få vekk skal.
Bland solbær- puréen med piska krem. Legg gelatinplatene i bløyt nokre minutt til dei blir blaute. Klem vatnet ut av gelatinen og løys den opp i litt varm solbærpure.
Visp eggekvite og sukker til ein stiv marengs. Bland den med solbærpuré/krem.
Sil gelatinen inn i massa og bland godt. Fyll massa i ønska form. La stivne nokre timar i kjøleskap før servering.
Slik lagar du sausen:
2,5 dl. fløyte
2,5 dl. mjølk
90 gr. sukker
½ vaniljestang
5 eggeplommer
Kok opp fløyte, mjølk, sukker og vaniljestang (del vaniljestanga i to og skrap ut frøa. Både frø og den delte stanga skal kokast).
Hell kokande væske over eggeplommene i ei eiga skål, rør godt.
Ha væska tilbake i kokekaret, varm opp til kokepunktet til den tjuknar.
Det er viktig at sausen ikkje kokar, då vil den sprekke.
Sil og avkjøl.