Klart for årets UKM-festival i Sogn og Fjordane

Aira, Nora og Sara frå Aurland, K S Crew frå Flora og konferansier Vanessa Nygård frå Vågsøy er nokre av ungdommane du møter i Høyanger i helga.

Rugsundbandet Nemo er blant dei som kom vidare til fylkesfinalen frå vårt distrikt. F.v. Torine Storøy Bortne, Preben Berg Langeland, Hilde Gulliksen og Eirin Edvardsen. Bildet er tatt då dei spelte på Bremanger Rockweekend i fjor sommar. Foto: Janne Weltzien Listhaug

Då er det tid for årets UKM-festival for Sogn og Fjordane.

I løpet av festivalhelga 13.–15. april skal ungdommane delta på sceneframsyningar og utstillingar som er opne for publikum. Framsyningane vert leia av unge konferansierar, og i kulissane er det mange unge arrangørar. I tillegg til dei «vanlege» UKM-framsyningane og kunstutstillinga, blir det konsert i eit stort telt ved Høyanger vidaregåande skule på dagtid laurdag og i Valhall laurdag kveld.

Set pris på UKM-scena som ein trygg stad å starte

Eit fagpanel skal plukke ut 30 ungdommar som får tilbod om å representere Sogn og Fjordane på den nasjonale UKM-festivalen i Trondheim i juni. Innslaga og utstillingsarbeida som går vidare skal representere breidda av ung kultur i fylket.