Namn: Fredrik Hovdevik
Alder: 17
Bustad: Åheim
Sivilstand: singel
Yrke: student
– Kva skal du i sommar?
– Eg skal jobbe nokre helger, og så skal eg to veker til Mallorca. Elles skal eg slappe av og trene.
– Kva er ditt favorittreisemål?
– Eg er veldig glad i USA, og då spesielt California. Eg har familie der borte, og det er ein fin plass. I tillegg er der som oftast fint vêr.
– Korleis vil du beskrive ein perfekt sommardag?
– Ein solskinnsdag som inneheld fjelltur, fisking og grilling med gode vener.
– Kva er din favoritt-is?
– Det er ingen tvil om at det er Pistasj-is!
– Har du ein favorittfjelltur?
– Eg går mykje i fjellet på Åheim, men kunne tenkt meg å sjå Galdhøpiggen og elles rundt i Jotunheimen.
– Kva er typisk sommar for deg?
– Fjellet, trene, bade i sjøen og på fjellet, plukke molter og vere mest mogleg utandørs.
– Kva er ditt beste sommarminne?
– Alle turane eg hadde til USA saman med familien min då eg var mindre.
– Kven vil du gi ei korg jordbær?
– Foreldra mine, fordi dei er gode foreldre, og så hadde eg sikkert fått smake.
– Har du ein hobby?
– Eg spelar fotball, og så spring eg ein del og deltek både i motbakkeløp og gateløp.
– Kven beundrar du?
– Henrik Ingebrigtsen. Han er utradisjonell og føl ikkje Jantelova. I tillegg er han ein veldig god idrettsutøvar.
– Kva gjer deg glad?
– Fint vêr, familie og vener.
– Kva gjer deg trist og lei?
– Når det er grått ute. Vêret er ofte med å bestemme humøret.
– Kva les du i lokalavisa?
– Eg er litt interessert i politikk. Og så les eg sporten og andre lokale nyheiter.
– Kva er det beste med heimstaden din?
– Den gode dugnadsånda, der alle er med, og saman får til mykje.
– Kva er din største draum?
– Å bli ein suksessfull gründer som klarer å starte noko sjølv.