Nordfjord er sterkt representert under årets Blest, den årlege møteplass for musikk- miljøet i Sogn og Fjordane.
Sognablest er allereie arrangert, og no er det tid for FloraBlest 5. november og FirdaBlest 12. november.
Line Dybedal frå Selje er headliner på FloraBlest. Der skal ho ha sin første konsert med fullt band og livesett sida ho vart mor på nyåret.
Til FirdaBlest kjem mellom anna Indigo Child. Bandet, som har base på Nordfjordeid, spelar i grenseland mellom pop, indie og jazz.
Også Baia Wolf, som spelar rock, grunge og indie, kjem til FirdaBlest og består av Vidar Selje Melby, Jørgen Haugland og Thea Steinmo Hernæs.
Det er Brak, kompetansesenteret for musikk i Hordaland og Sogn og Fjordane, som er arrangør av Blest.