Laurdag er det konsertar i Bremanger kyrkje og Svelgen kapell. Søndag i Frøya kyrkje og Davik kyrkje.
– Fleire av dirigentane går igjen i fleire kor og korps, så det handlar om å finne ein kabal som går opp, seier organist og dirigent Jarle Grotle.
På konserten i Bremanger kyrkje får ein høyre Bremanger Musikklag, Bremanger skulemusikk, Bremanger Songlag, Bremanger Kammerkor, barnekoret og solistar.
På konserten i Svelgen kapell kan ein synge jula inn saman med Svelgen Songlag, Svelgen skulemusikk og Sangmoves-elevar frå kulturskulen.
I Frøya kyrkje blir det høve til å høyre Kalvåg Skulemusikk, Kalvåg Musikklag Kalvåg Songlag, Bremanger Kammerkor og solistar frå lokalmiljøet.
I Davik kyrkje står Davik barnekor, ungdomskoret GX Davik, Ålfoten Hornmusikk og Davik Musikklag og solistar for julestemninga.