Violet Road var første band på scena på festivalen Opplev Bremanger laurdag.
Festivalen starta allereie fredag kveld med Rockweekend og jam, før den forsette laurdag med konsertar med Violet Road, Katzenjammer og lokale band. Laurdag kveld blir det konsert med fleire lokale talent før Pumpeorgel Sekstetten og Fagernes Yacht Klubb spelar i sirkusteltet i Iglandsvik.
Den ti dagar lange festivalen byr på eit rikhaldig program. Søndag kveld er det igjen konsert i teltet med Royal Southern Brotherhood frå USA.
Torsdag er det klart for Tupelo i Vetvika. Dei speler også fredag på Havly.
I tillegg kan ein få med seg kystkulturutstilling med Bremanger Fiskarkvinnelag og Bremanger Sanitetforeining, fiskekonkurranse, turar med Haugefisk, aktivitetar i fjæra, dykkarkurs, motbakkeløp for barn i Bjørsvika, sirkusvarieté, ein stor bygdefest, motorsagshow, ribbåt, barneteater, sal av mat og drikke og sjølvsagt generell god festivalstemning. Det heile blir avslutta med Vetenløpet, stand up show og dans med PK & Dansefolket på Reidarbua neste helg.