Kvernevik Engineering AS søker i desse dagar om utsett idriftsetting på en utgått konsesjon med til dels mange manglar sett ut frå dagens regelverk. Stad Landskap reagerer på at NVE sender ut ei slik sak, så mangelfull etter dagens regelverk, og det med utgått dato.
Saka om flytande vindkraft på Stadlandet og Vågsøy går heilt tilbake til 2009, og konsesjonen som vart godkjent i 2016 hos NVE, etter å ha skiftet eigarskap tre gonger gjekk ut i juni 2020.
Den gong søkte Vestavind kraft om å plassere testmøller på tre lokalitetar. Dei ville ha ein turbin i Kvalheimsvika i Kinn, ein til to turbinar utanfor Fure og det same utanfor Bukketjuvane på Stadlandet.
Eitt av dei mange problema med denne, no forelda konsesjonen, er at den set ingen grenser på storleik av turbinane.
Dei vil også forlenge prøvetida til 2035. Å søke om forlenging etter at fristen er gått ut, er i beste fall ei misforståing om korleis regelverket fungerer. At NVE vel å sende denne på høyring, med svarfrist for alle 28. oktober 2022 vitnar vidare om dårleg kontrollpraksis hos NVE.
Stad Landskap har hatt dialog med fleire av dei store organisasjonane om å sende inn høyringssvar. Dette gjeld Naturvernforbundet, La Naturen Leve og Miljøvernforbundet. Fiskarlaget og havfiskeflåtens organisasjon, Fiskebåt, er og orienterte om denne saka.
Stad Landskap har levert inn høyringssvar der NVE vert gjort merksame på alle manglar, og forslag frå Stad Landskap om å trekkje denne konsesjonen tilbake. Dei andre organisasjonane er og blitt oppmoda om å sende sitt høyringssvar, og Stad Landskap har fått positive tilbakemeldingar om det vil dei.
Stad Landskap oppmodar vidare alle til å sende inn sitt høyringsvar til NVE.
