«Skram skole er lagt inn med ferdigstilling i 2026. Det er altså månader, ikkje år, i skilnad på forslaget frå opposisjonen»

Bygg ein skule for framtida!

Skram skole er lagt inn i budsjettforslaget frå Kinn AP og KrF med oppstart i 2025 og ferdigstilling i 2026. Det er altså månader, ikkje år, i skilnad på forslaget frå opposisjonen. Vi meiner dette er realistisk. Som styringsparti forheld vi oss til realitetane og tar alle tenester og innbyggerane sine behov på alvor. Det er store og krevjande investeringar som for tida svir enormt også for ein kommune. Det er ikkje berre privatøkonomien som merkar dyrtida og renteauke. For å finanisere må ein bruke store innsparingsgrep. Nedskjæringar flatt over skulebudsjettet blir resultatet dersom vi ikkje er villige til å gjere større, strukturelle grep. Det går alltid ut over generell drift og er tyngst for dei største skulane og institusjonane. Det sa Frp i Formannskapet at dei ikkje ville vere med på lenger. Ikkje vi heller.

Kinn AP sitt mål er gode oppvekstmiljø for alle, og det må vere fagleg og ressursmessig likeverdigheit og forsvarligheit i skule så vel som i helsesektoren. Vi lyttar til fagfolk i oppvekstsektoren og økonomane. Vi lyttar også til foreldre, skuleleiarar og næringsliv. Kinn AP og Krf kjenner lokalmiljøa og følgjer opp innspel som kjem. Vi veit at auke i folketal skjer mest i sentra og at Skram skole er uunnværleg for Måløy og for Kinn kommune. Det er viktig at vi har tiltrekkande senter og tettstadar, og vi følgjer opp intensjonsavtala som vektla satsinga på byane våre.

Kinn AP og KrF skal bygge Skram skole så raskt som mogleg og økonomisk forsvarleg. Vi skal ikkje røre Skavøypoll skule og ser heller ikkje det som sannsynleg i framtida. Det vil forbli 2 eller 3 barneskular i Vågsøy-området dersom framtida ser ut slik vi trur og arbeider for.

Reguleringsplan for Skram-området er tidlegast ferdig sommaren 2023 og må vere vedtatt før ein kjem vidare. Teikningane som er utarbeida no, er skisse for 250 elevar, eller det som tilsvarar ein og ein halv parallell. Kinn AP og KrF meiner det er mykje meir hensiktsmessig å byggje til ein to-parallell skule, altså to klasserom per trinn. Det tilsvarar i underkant av 400 elevar. Vi meiner det er viktig å ta høgde for auke i tilflytting av barnefamiliar i Måløy og vestre krets. Det skjer utbygging av nytt bustadfelt for 100 bustadar. I 2023 skal Kinn kunne ta imot 195 flyktningar. Ein del av dei er barn.

H og FrP sitt forslag er at dei har lagt inn kutt i bygginga av ny omsorgsinstitusjon for å prioritere Skram fram, og så flate kutt i drift. Dei som merkar det mest er elevane, omsorg- og velferdstenester. Altså eldre, sjuke og vanskeligstilte. Kinn AP må utfordre H og FrP; korleis skal kutt gjerast? Kven eller kva kan seiast opp, tenester fjernast eller barberast? Vårt forslag inneber større strukturendringar som frigjer midlar forutsigbart og ikkje gjennom å belaste generell drift. Som sagt utgjer det månader og ikkje år for Skram skole, det er meir realistisk og mindre belastande.

Igjen seier vi til foreldre i Måløy at Skram skole kjem. Den skal bli framtidsretta både med tanke på størrelse og innhald. Kinn AP og Kinn KrF håpar at det vert mogleg å få fleirtal for eit realistisk budsjett.