Levande byar og bygder i Kinn kommune!

Vi i Arbeidarpartiet ønsker at folk i heile landet skal ha like moglegheiter til å leve gode liv og få gode tenester. I lokalpolitikken spelar vi på lag med politikarar, kommunen og bygdefolket for å utvikle samfunnet vårt. Som raudebergar stiller vi til val for Kinn Ap, for heile Kinn kommune. For oss er det like viktig med utvikling i Florø, Eikefjord, Stavang, Deknepollen, Halsør og så vidare.

Skram skole, sjølvsagt skal skulen byggast, det er det brei politisk einigheit om!

Det vi i Kinn Arbeiderparti meiner er at vi må bygge ein framtidsretta skule, som tek innover seg utfordringane i framtida med framskrivinga av elevtal. Vi meiner at ein 2-parallell skule med større kapasitet er det rette å investere i nå ved bygging.

Kinn arbeidarparti jobbar for eldreomsorga i kommunen vår og vi vil at dei som treng det, skal få hjelp der dei bur. E- fløya på Kulatoppen er framtidsretta måte og organisere tilbodet på med faste team og velferdsteknologi.

Arealplan i kommunen er på høyring. Raudeberg kan vere ein framtid for unge, med ledig bustadtomter, næringsliv i utvikling, nyetablering av arbeidsplassar både ved OFS Måløy i Barstadvika og Babord group med filetfabrikk på Raudeberg. Det er invitert til informasjonsmøte 20. september på rådhuset i Måløy. Fint om akkurat DU kjem slik at flotte innspel og idear kan takast med vidare i det politiske arbeidet innan arealdelen.

På Raudeberg og elles rundt om i bygdene er vi prisgitt eldsjeler, dugnadsarbeid og ansvar for fellesskapet vårt. Vi kan nemne frå vår bygd og omland; gangveg i skulebakken, siktagranprosjekt, rydding i Kvalheimsvegen m.m. Aktiv Raudeberg er ein pådrivar for å skape liv i bygda vår som vi er så stolte av. Den frivillige innsatsen er det som skapar liv i bygda vår og i framtida blir nok den frivillige innsatsen enda viktigare. Vi håper på snarleg ny veg Kapellneset-vikja, det er kjempeviktig for å kunne utvikle den flotte industribygda vår i tillegg ønsker vi å få på plass service skyss på Raudeberg og i bygdene rundt. Alle må bli flinkare å snakke fram bygda vår.

Verdiane som blir skapt langs kysten er grunnen til velferda vi har. Om vi bygger infrastruktur og effektiv transport så kan vi skape meir velferd. Stad skipstunnel skapar nye inntekter til landet og eit hundretals arbeidsplassar. Difor skal vi fortsette å jobbe for å få på plass Stad skipstunnel.

No ser vi framover og ønsker at Kinn kommune skal fortsette å vere ein ja-kommune og eit trygt val for innbyggjarane og tilflyttarar, fordi vi får til meir saman enn kvar for oss!

Stem på Kinn arbeidarparti for framleis trygg styring av Kinn.

Godt val!