Vi har kjempa for basseng i fleire år!
Det har kome fram at ein no vil stoppe bassengplanane i Ytre. Dette synest ikkje 8.klasse på Selje skule noko om.
Vi synest det er veldig dumt at det ikkje kan komme badebasseng på Selje skule. Det har stått tomt i nesten 20 år. Barn i Selje har måtte fare til Eid eller Åheim for å få svømmeopplæring som står i kompetansemåla. Elevar må reise med buss i to timar for å få svømmeopplæring.
Det er ei skam at det ikkje har vore basseng i Selje på så mange år. Dette vil vi endre på. Mange i Selje har kjempa for dette i fleire år og det er trist at folk i Selje har venta så lenge på eit basseng.
Eit basseng i Selje hadde vore fantastisk. Det treng ikkje vere eit stort luksusbasseng, men berre eit basseng barn kan lære seg å svømme i. Det er ikkje alle barn som kan svømme og det blir vanskeleg å lære å svømme når du må fare til Eid kvar gong, og det tar ein time kvar veg.
Det er viktig at barn får svømmeopplæring, iallfall når du bur så tett på sjøen som her i Selje. Det kan vere farleg for barn som ikkje kan svømme å gå nede langs kaia, for det kan plutseleg skje at dei dett uti.
Bruk pengane på nødvendige ting som eit etterlengta basseng. Vi forventar å bli høyrde!
Kallar inn til nytt folkemøte om bassenget: – Eg gir meg ikkje før eg ser spaden i jorda
Nektar å slå seg til ro med bassengforslag: – Å stoppe dette er som å stikke hovudet i sanden og tru at det skal gå over
Vil foreslå oppgradering av skulebassenget igjen: – Har ein ikkje råd til treretters, et ein potet