«Høyr den såra barnerøysta, høyr mødrene som skrik, fedrane som døyr»

Barn er fødde til fred

(Barn skal plukke blomar, sa mor)

Barn er fred

Barna lir mest no

Barna i Palestina

Barna i Israel

Barna i Ukraina

Barna i Afghanistan

Barna i land med krig

Barna som ser krigen

Barn med fred i hjartet

Barn er fred

Slutt å forstå krig

Lytt til barna i verda

Snakk med barna

Redd dei redde barna no

(Barna skal le, sa mor)

Barn vil ikkje krige

Barn vil ikkje drepe

Barn er freden sjølv

Barn lir no – barn døyr

La barna få sitt eige FN

(Barn er klokare enn oss, sa mor)

Gje barna si røyst meir vekt

(Barna er gullet vårt, sa mor)

Gudar skapar ikkje fred

Våpen skapar krigarar

Krig er terror mot barn

Barn har freden i sitt hjarte

(Barna skal leike og danse

Barna skal synge, sa mor)

Barn bur ikkje bak ei grense

Barna bur i verda

Barna er fødde til fred

Barna har freden i hjartet

(Barna er som sommarfuglar,

Plutseleg her, plutseleg der, sa mor)

Høyr barnegråten no

Høyr den såra barnerøysta

Høyr mødrene som skrik

Fedrane som døyr

Redd Barna no – redd liva

Sviktar vi vaksne barna –

Kva har vi att da?

Nye generasjonar med soldatar?

Fleire bomber, fleire krigar?

Barn med krig i hjartet

(Barna skal vere trygge

Barna er grunnmuren vår,

Dei er småfuglane våre, dei.

Og var alles framtid, sa mor).

Må barna i Israel og Palestina

Ein dag bli bestevenner –

Ville nok mor og ha sagt.