– Dei har ikkje øvd meir enn i sju veker, men likevel har dei klart å setje saman ei forrykande førestilling som heiter «Ein eventyrleg aftan», fortel lærar Lise Helen Rosø ved Stadlandet skule.
Elevane tok føre seg ulike kjende eventyr, mellom anna «De tre bukkene Bruse», og her trippa og trappa bukkane Niklas, John-Håkon og Markus over brua, medan trollet Vanessa som var under brua etter beste evne prøvde å få tak i dei.
Mirah, som var Gullhår denne kvelden, fekk gode råd frå «mamma» Sirianne, men enda til slutt inne i huset til dei tre bjørnane Gaute, Lily og Ada.
Vesle Raudhette, spelt av Leah, var også ute på tur denne kvelden, og ho møtte ulven Kristian trass i at mora, spelt av Elida, hadde åtvara ho mot han. Heldigvis kom jeger Lucas til unnsetning og redda henne.
Til slutt fekk publikum eit innblikk i livet til reveenka, spelt av Athena, som til slutt fant tonen med reven Ludvig. Men ho måtte gå vegen om to andre friarar før dette gjekk i boks, nemleg bjørnen Kevin og ulven Vide.
– Heldigvis hadde Korse, spelt av Johanna, full kontroll på korleis friarane skulle handterast, smiler læraren.
Elevane heia kvarandre fram – runde etter runde
Under førestillinga var det også mykje song, mellom anna «Ein grevling i taket» og «Bukkene Bruse-songen». Dans blei det også då «Give that wolf a banana» og «The fox» runga frå høgtalarane.
– Her trur eg nesten taket blei løfta eit sekund, seier Rosø.
Ho og dei andre lærarane er kjempestolte.
– Dei har verkeleg jobba godt og stått på!