Hjarteleg takk for alle bilda frå 17. mai: – Vi er imponerte

Vi har fått inn utruleg mange lesarbilde. Bilde som viser ulike typar feiringar på ulike stader i Kinn, Bremanger, Vanylven og Stad kommune.

– Vi er imponerte over alle som har sendt bilde til oss frå si 17. mai-feiring. Det gir oss sjansen til å vise fram svært mange flotte plassar i dekningsområdet vårt, seier redaktør Håvar Fagerli.

– Takk til alle

I tillegg til fleire journalistar og frilansarar som var på jobb på nasjonaldagen, har bilda frå lesarane gitt oss moglegheita til å vise mange fleire 17. mai-feiringar enn vi eigentleg hadde klart å rekke over.

– Fjordenes Tidende takkar derfor alle som har tatt seg tid til å sende bilde eller merke med #fjtno på Instagram, seier Fagerli.

Fjordenes Tidende har vist fram feiringar frå stadar som mellom anna Måløy, Raudeberg, Refvik, Kvalheim, Vågsvåg, Torskangerpoll, Deknepollen, Almenning, Husevågøy, Osmundsvåg, Hjertenes, Åheim, Nordfjordeid, Stårheim, Bryggja, Flatraket, Nordpollen, Leikanger, Ervik, Stadlandet, Barmen, Bremanger, Kalvåg, Svelgen og Ålfoten.

– Ein nydeleg 17. mai

I tillegg har vi fått inn skildringar av korleis folk har opplevd 17. mai i år. Dette er slik Einar Røyseth skildrar 17. mai-feiringa på Årsheim.

«I blikkstille vêr og med sol frå ein skyfri himmel vart det verkeleg ein festdag, både nasjonalt og lokalt. Etter flaggheising klokka 8 og oppmøte ved grendehuset noko seinare var det endeleg klart for feiring av dagen, etter to års opphald på grunn av koronaen. Mange utflytta bygdefolk hadde nytta dagen til ein heimtur til bygda igjen for å treffe slekt og vennar.

I mangel av hornmusikk hadde 17. mai-komiteen ordna med musikk av lokal variant. Aarsheim/Wold stilte med festpynta traktor og tilhengar med musikkanlegg oppi, så da var det berre for folket å følge på. Etter at toget kom tilbake til grendehuset vart nasjonalsongen spelt, som nok fekk mange til å tenke over at friheita ikkje berre er ein sjølvfølge, når ein ser og høyrer kva som går for seg i Ukraina. Etterpå vart det servert middag i ein svært så fint pynta festsal i grendehuset. Menyen bestod av en velsmakande betasuppe. Ute var det konkurransar for borna med kappløp og diverse leikar. Dei vaksne fekk prøve seg på pilkasting og skyting med luftgevær. Inne var det mogelegheit å få kjøpt seg kaffi og kaker, og praten gjekk livleg ved borda, akkurat som det var tidligare om åra.

Klokka 16 var det tid for dagens tale. I år hadde ein fått ein «av bygdas sønner» , Tobias Hansen , til å halde talen. Han tok for seg tida rundt 1814 og fram til i dag, både på godt og vondt, og reflekterte også litt over dagens bilde av Europa. Han mintest også dei som hadde gått bort siden sist vi feira 17. mai, og det vart til dels ei sterk emosjonell stund.

Vi skal ikkje rekne som så at det er ei sjølvfølge at ein alltid har dei nærmaste rundt seg, livet går sin gang og det må ein nok ta til følge. Etter talen var det forskjellige kulturelle innslag. Vi fikk blant anna ein opptreden av tre unge jenter, i kvar sin type bunad, som song av hjertens lyst nokre populære songar, til stor glede og applaus frå publikum. Det var eit flott innslag, så stå på videre jenter, dette kan de verkeleg.

Til slutt var det premieutdeling etter konkurransane for både store og små. Vi avslutta dagen med å synge kongesangen. Ein skikkelig hyllest til 17.mai-komiteen for ein svært hyggeleg feiring av nasjonaldagen. Det er akkurat slik dei fleste av oss vil ha det.»

Sjå lesarane sine bilde frå den fantastisk flotte 17. mai-feiringa

Feiret med tut og kjør gjennom bygdene

Sola skein både over champagnefrukosten på stranda og bunadskledde folk i tog

Bygda er kanskje ikkje så stor, men feire kan dei!

Var du på folkefesten i Måløy sentrum? Då er sjansen stor for at du er på eitt av desse bilda

Veteranar, born og andre festglade feira den store dagen

No snakkar vi 17. mai: Innbyggjarane strålte om kapp med sola i kystbygda

Stappfullt sentrum og stor glede over å kunne feire nasjonaldagen skikkeleg