Kinn Høgre trekker seg frå politisk samarbeid med Kinn Ap

– Dette er ikkje oppførsel som kan tolererast frå ein ordførar

– Etter det Kinn Høgre oppfattar som uakseptabel behandling frå ordførar Ola Teigen mot vår gruppeleiar Arlene Vågene trekker vi oss frå det politiske samarbeidet med Kinn Arbeiderparti, melder Kinn Høgre måndag.

– Det er umogleg for oss å drive god politikk i eit klima der ein ikkje kan stole på at ordføraren oppfører seg profesjonelt og innanfor det ein må oppfatte som respektfull behandling av ein politisk kollega, skriv Kinn Høgre i pressemeldinga.   Foto: Svanhild Breidalen

Nyheter

– Det er umogleg for oss å drive god politikk i eit klima der ein ikkje kan stole på at ordføraren oppfører seg profesjonelt og innanfor det ein må oppfatte som respektfull behandling av ein politisk kollega, skriv partiet i pressemeldinga.

– Vi har over lang tid oppfatta samarbeidet med ordføraren som utfordrande, men har til no valt å prøve å få dette til å fungere av omsyn til Kinn kommune. Etter ei hending i helga der ordførar Teigen på ein privatfest i dei seine nattetimar tok vår gruppeleiar til side og serverte ho ei lang tirade om kor udugeleg ho er som politikar, er begeret no fullt, skriv dei.