Direktestudio frå Kinn kommunestyre torsdag 31. august.

Linda Regina Bruvik

- Eg blir forbanna

- Eg vil på ingen måte gjere noko som vil utsette saka. Men eg trudde vi skulle få sett dokmenta og meint noko om det før dei blei sendt ut. Kva med romprogramma, fasaden, innhaldet. Skal ikkje vi få seie noko om det? Eg blir forbanna, rett og slett, seier Daniel Henriksson.

3 min siden

Linda Regina Bruvik

Skram skule blir sendt på anbod i dag

Kommunedirektør Øyvind Bang-Olsen seier at anbodet for bygging av Skram skule skal lysast ut i dag, 31. august, slik kommunestyret har gjort vedtak om.

4 min siden

Linda Regina Bruvik

Spør om Skram skule

Daniel Henriksson (R) spør om status for Skram skule, og kvifor anbodsokumentene ikkje er lagt fram.

Ordførar Ola Teigen svarer at formannskapet har gjort vedtak om at ein ikkje trengte å legge fram sjølve anbodsdokumenta for kommunestyret, men at saka går vidare som den skal.

11 min siden

Linda Regina Bruvik

Nødseth spør om fartsgrenser

Jacobb Nødseth (V) ønsker ein samla sak om diverse fartsgrenser og skiltreglar i Florø sentrum, mellom anna er det næringsdrivande som ønsker endring av reglane for Strandgata i helgane. Ordførar ber Nødseth bestille ei samla sak gjennom Plan-, miljø- og næringsutvalet

15 min siden

Linda Regina Bruvik

Spørsmål frå Midtbø

Jan Arve Midtbø i Sp spør om den økonomiske situasjonen, om Brandsøyvegen og om fiber i Norddalsfjorden. Svar frå ordførar: Brandsøyvegen er eit fylkeskommunalt anlegg, og det er fylket som jobbar med det. Den økonomiske situasjonen vert tema i formannskapet i morgon. Fiber kan han ikkje svare på, då Midtbø ikkje har sendt inn spørsmålet på førehand.

- Eg ber om at du held deg til dei same reglane som andre i kommunestyret, med to dagars frist, seier Ola Teigen.

17 min siden

Linda Regina Bruvik

Spørsmål om hamnspy

Kinn Raudt ved Marie Kronen Tveranger har sendt inn spørsmål om hamnespy. Men spørsmålet kom inn etter fristen, og ordførar kan dessverre ikkje svare i dagens møte. Han vil sende skriftleg svar til Tveranger og Raudt.

19 min siden

Linda Regina Bruvik

Kinn kommunestyre har møte torsdag

Kinn kommunestyre har møte i Florø, og møtet er no i gang.

Slik gjekk det då politikarane diskuterte kjøkkenløysing, Skram og politisk organisering