Selje Idrettslag inviterer 15.–17. juni til Seljecup for 24. gong, og Solheim fortel at den tradisjonsrike og populære cupen kvart år får mange lovord.
– Det er vi glade for og stolte av. Men forventningane og tidlegare suksess, utfordrar oss samtidig til å prøve å gjenskape cupopplevingane år etter år.
Solheim meiner nøkkelen til cupsuksess er alle frivillige og den store dugnadsinnsatsen som blir lagt ned.
Dei ser også at mange kjem tilbake til cupen deira.
– Det er svært gledeleg, men kjekt er det også i år å kunne ynskje nokre nye klubbar velkomne til årets fotballfest.
Seljecup legg som vanleg opp til eit rikhaldig program også utanom kampane, med mellom anna arrangement og aktivitetar som hoppeslott, trikseshow og sal av trikseballar, 3ar minibane, grillselskap, cupdiskotek og lagleiartreff.
– Det er også venta flittig bruk av den flotte klatreparken ved stadion, og vi håpar sjølvsagt på godt vêr så Seljesanden kan nyttast, smiler Solheim.