Men før dette er det eit anna Måløy-lag som skal i aksjon, nemleg klubbens 3. divisjonslag. Dei møter Bjørn borte fredag klokka 19.00, og kan med siger gå forbi Nordfjord-rival Eid på tabellen og med det trone øvst på tabellen i avdeling 2. Førre helg slo Måløy Syril 2–0 heime på Skavøypoll stadion.
Poengdeling sist
Laurdag skal altså rivalane frå ytre Nordfjord, Bremanger og Måløy i aksjon i Kretsligaen. Sist laga møttest på Måløy stadion 16. mai, blei det eit heseblesande oppgjer der gjestane frå sør lenge låg an til at få med seg alle poenga. Men ei utlikning av Fridjon Mortensen rett før slutt gjorde at laga til slutt kunne dele poenga seg imellom.
Måtte dele poenga broderleg. Sjå kampen i opptak her
Førre kamp for Måløy var heime mot Stryn, ein kamp som enda 3–3 mellom laga. Måløy har med andre ord tatt grep, og har starta haustsesongen på ein langt betre måte enn dei avslutta vårsesongen. Bremanger på si side tapte 1–0 borte mot Eid.
Det er mykje Nordfjord-derby for tida, og for Eid sin del betyr det at dei skal møte ein annan rival – kanskje den største – nemleg Stryn. Denne kampen går også laurdag, med kampstart femten minutt før Bremanger-Måløy.
Skal bryne seg mot tredjeplassen
Søndag er det to kampar. Først ut er Selje som møter Kaupanger heime på Selje idrettspark til oppgjer i 5. divisjon. Den førre kampen til Selje enda med poengdeling då dei spelte 1–1 borte mot Dale. Søndagens motstandar, Kaupanger, ligg per dags dato på ein tredjeplass på tabellen med 26 poeng mot Selje sine 20.
Søndag kveld er det igjen klart for kamp i 3. divisjon då Eid møter Syril borte. Denne kampen har avspark klokka 17.00. Eid ligg foreløpig på ein førsteplass på tabellen med fire poeng. Men som nemnt, om Måløy slår Bjørn, kan dei gå forbi gultrøyene på tabellen.