Men etter å ha gått på eit 4–3-tap, har Fjøra og Sogndal 2 på høvesvis tredje- og fjerdeplass moglegheita til å gå forbi gultrøyene på tabellen.
Kampen var berre sju minutt gammal då førdianarane sette inn kampens første mål signert Kristian Bell. Tolv minutt etterpå var same mann på plass igjen og auka leiinga.
Like før kvilen reduserte gjestane etter eit sjølvmål, og tretten minutt etter kvilen kom utlikninga etter nok eit sjølvmål. Men berre sju minutt etter at Eid hadde fått tilbake trua, dukka Lasse Aamelfot opp for vertane og sette inn lagets tredje for dagen.
Berre tre minutt etterpå var Eid nok ein gong farleg frampå der Kristian Lefdal til slutt fann namnebror Kristian Årskog som sette inn nok ei utlikning. Dessverre ville det seg ikkje for Eid, og då Mathias Helgheim sette inn kampens siste mål kvarteret før slutt, var det over og ut for nordfjordingane på bytur.
Etter 4–3-tapet ligg framleis Eid på ein andreplass på tabellen bak Årdal. Men med ein kamp meir spelt enn Fjøra og Sogndal 2 på dei to plassane bak, så kan den plasseringa ryke når dei møter, høvesvis, Høyang og Studentspretten over helga.
Tabell
1 | Årdal | 6 | 18 |
2 | Eid | 6 | 12 |
3 | Fjøra | 5 | 11 |
4 | Sogndal 2 | 5 | 10 |
5 | Stryn | 6 | 8 |
6 | Bremanger | 6 | 8 |
7 | Studentspretten | 5 | 7 |
8 | Førde 2 | 6 | 6 |
9 | Måløy | 6 | 6 |
10 | Høyang | 5 | 4 |
11 | Vik | 6 | 4 |
12 | Jølster | 6 | 1 |
Kampfakta
Kretsligaen, menn Førde 2 – Eid 4–3 (2–1)
Mål: 1–0 (7) Kristian Bell, 2–0 (19) Bell, 2–1 (41) sjølvmål, 2–2 (57) sjølvmål, 3–2 (64) lasse Aamelfot, 3–3 (67) Kristian Årskog, 4–3 (75) Mathias Helgheim
Dommar: Sivert Endestad Orheim, Florø
Eid: S. Torheim Frislid, A. Sigdestad Lund, S. Årskog, K. Årskog, J. Beitveit, I. Da Silva, M. Endestad Henriksen, O. Holmøyavik, K. Lefdal, J. Felde, J. Frislid Vedvik
Innbytarar: T. Årskog