Namn: Steffen Sande
Alder: 23 år
Sivilstand: forlova
Yrke: industrirørleggar
Bustad: vakre Stadlandet
– Kva er du mest oppteken av?
– Eg er mest oppteken av gutungen min, større solstråle finn du ikkje. Det beste i livet er når du kan få sjå ungane dine vekse opp på ein trygg og omsorgsfull måte. Ingenting er betre enn å komme inn døra å sjå smilet gå frå øyre til øyre fordi pappaen kjem heim frå jobb.
– Kva gjer du på fritida?
– På fritida pussar eg opp huset vårt, og så tilbringe eg tida med fruen og gutungen.
– Kven beundrar du?
– Eg beundrar kjærasten min. Ho har vist seg å vere det sterkaste og mest kjærlege mennesket eg veit om. Ein bauta i livet mitt.
– Kva er det beste med heimstaden din?
– Det beste med heimstaden min må vere friheita og tryggleiken i bygda vår. Alle som bur på Stadt er veldig omsorgsfulle, og plassen er eit lite stykke paradis, rett og slett!
– Kva hadde stått på di framside av Fjordenes Tidende?
– Endeleg kjem det ny veg i Årsheimstranda!
– Kva ville du ha gjort om du var ordførar for ein dag?
– Ville prøvd å utføre alle punkt som er viktig for at kommuna skal fungere for oss som bur her og for dei som bør flytte hit.
– Kva kulturoppleving hugsar du best?
– Det må vere då eg var i Finland på festival og såg kompisen min opptre på Weekend festival.
– Kva har du på nattbordet?
– Mobil og ein lampe
– Kva nettstadar er du innom i løpet av ein dag?
– Facebook og mail.
– Kva er meininga med livet?
– Meininga med livet er å leve i saman med dei ein har nærmast i livet, og ta vare på alle andre! Det er dessverre ikkje alle som har det like godt som oss. Det er viktig å strekke ut ei hand til dei som treng det og å ikkje berre tenke på seg sjølv.