Namn: Håkon Giil Solheim
Alder: 28 år
Sivilstand: singel
Yrke: offshore-arbeidar
Bustad: Måløy
– Kva er du mest oppteken av?
– At vener og familie skal ha det bra. Når dei har det bra er eg glad.
– Kva gjer du på fritida?
– På fritida er eg med vener og driv litt med dykking.
– Kven beundrar du?
– Eg beundrar foreldra mine. Dei har stilt opp for meg og søskena mine i godt og vondt. Kunne ikkje levd utan dei.
– Kva er det beste med heimstaden din?
– Naturen, veiret og det lokale engasjementet.
– Kva hadde det stått på di framside av Fjordenes Tidende?
– Ny storsatsing i Vågsøy skaper nye arbeidsplassar, og oppstart av ytre kystveg Måløy-Florø.
– Kva hadde du gjort om du var ordførar for ein dag?
– Hørt på innbyggjarane og auka bemanninga i helse- og omsorgstenesta.
– Kva kulturoppleving hugsar du best?
– Første gong Måløy Havfiskefestival blei arrangert. Det var lagt ned mykje arbeid i den, til og med reklamering av festivalen i Lofoten. Gløymer aldri det smilet eg hadde rundt munnen då festivalen var over.
– Kva har du på nattbordet?
– Nattlampe, mobil og eit glass vatn.
– Kva nettstadar er du innom i løpet av ein dag?
– Nyheitssider og youtube.
– Kva er meininga med livet?
– Meininga med livet er å ha eit smil rundt munnen oftast mogleg!