Namn: Børge Vemmålsvik
Alder: 21 år
Sivilstand: singel
Yrke: soldat
Bustad: bur i Bardufoss, men heimstaden er Deknepollen
– Kva er du mest oppteken av?
– For tida er eg mest oppteken av kommunesamanslåing, fordi eg meiner at ved så store forandringar burde lokalbefolkinga ha meir å seie enn politikarane.
– Kva gjer du på fritida?
– På fritida mi slappar eg av med ein film eller trenar.
– Kven beundrar du?
– Den eg beundrar aller mest er mor mi, fordi ho er like hjelpsom og blid uansett kva dag det er.
– Kva er det beste med heimstaden din?
– Det beste med heimstaden er naturen. Det er ingenting som kan slå ein tur på fjellet med norskekysten som utsikt.
– Kva hadde stått på di framside av Fjordenes Tidende?
– På mi framside av Fjordenes Tidene ville det stått at det var spådd strålande vêr heile sumaren.
– Kva hadde du gjort om du var ordførar for ein dag?
– Som ordførar for ein dag ville eg stemt for at Vågsøy slår seg saman med Selje og Eid.
– Kva kulturoppleving hugsar du best?
– Eg hugsar best Måløydagane i fjor. Fantastisk vêr og mange gode opplevingar.
– Kva har du på nattbordet?
– På nattbordet ligg telefonen min og gjerne ei god bok.
– Kva nettstadar er du innom i løpet av ein dag?
– Eg er som oftast innom Facebook og sjølvsagt fjt.no.
– Kva er meininga med livet?
– Meininga med livet er å oppleve og skape minner for resten av livet.