Namn: Kenneth Seljen
Alder: 31
Sivilstand: sambuar, to barn
Yrke: matros
Bustad: Moldefjorden
– Kva er du mest oppteken av?
– Eg er oppteken av at Selje Hotel kjem tilbake, slik at vi slepp å sjå på brannruinane.
– Kva gjer du på fritida?
– Det er alt mogleg frå fiske til fotball, litt politikk.
– Kven beundrar du?
– Sambuaren min, for ho er så herleg.
– Kva er det beste med heimstaden din?
– Det beste med heimstaden er utsikta. Det er so fantastisk fint når sola går ned.
– Kva hadde stått på di framside av Fjordenes Tidende?
– På framsida at Fjordenes hadde det stått at Scandic bygger nytt hotell i Selje.
– Kva ville du gjort om du var ordførar for ein dag?
– Om eg var ordførar for ein dag, ville eg ha tatt med meg alle på eldretunet ein tur på Alex på middag.
– Kva kulturoppleving hugsar du best?
– Ein Riga-tur med kompisane.
– Kva har du på nattbordet?
– På nattbordet har eg ingenting. Eg har ikkje nattbord.
– Kva nettstadar er du innom i løpet av ein dag?
– NRK Sogn og Fjordane, VG.
– Kva er meininga med livet?
– Meininga med livet er å leve livet.