Luftambulanse er kome til staden der ei ulykke med tre bilar har skjedd torsdag ettermiddag.
Ulykka har skjedd ved Slagnes i Vanylven, og politiet fekk melding klokka 14.16.
- Det er tre bilar involvert og fem personar, opplyser operasjonsleiar Inge Værøy ved Sogn og Fjordane Politidistrikt.
Brann og ambulanse er på staden, og politiet var på veg då Fjordenes Tidende var i kontakt med politidistriktet ved 15-tida.
Politiet veit endå ikkje noko om skadeomfanget etter ulykka, og opplyser om at vegen er stengd.