Autolinebåten Kamaro frå Måløy måtte denne veka slepast til land på grunn av motorhavari i Barentshavet.
Ifølgje NRK skal eit anna fiskefartøy starta slepet av båten før KV Harstad kom fram og overtok slepet 70 nautiske mil sør for Bjørnøya onsdag.
Det var sterk vind og åtte meter høge bølgjer då kystvaktskipet overtok slepet og sette kurs i retning Hammerfest.
Autolinebåten frå Måløy har eit mannskap på 13 personar.
NRK, som har vore i kontakt med skipet, seier at alle om bord har det fint.