Sivilingeniør har lite tru på straumforsyning

Sivilingeniør Ragnar Gjørven har lite tru på at den planlagde seawalken på Nordfjordeid vil kunne forsyne cruiseskipa med straum.

– Det er snakk om ganske store dimensjonar både på kablar og kranarrangement som er naudsynt for å heise kablane om bord i skipet, seier han til NRK Sogn og Fjordane.

Han viser også til at SeaWalk er landgang i rørsle, og dermed ikkje eigna for å føre kablar frå land til skip.

Arthur Kordt i Seawalk seier til NRK at denne teknologien er under utvikling, og at konkrete detaljar ikkje er klarlagde.

Ordførar Alfred Bjørlo (V) seier at han kjenner seg trygg på at landstraumen kjem på plass når teknologien er utvikla, og legg til:

– Vi skal jobbe for at landstraumen kjem på plass så raskt som mogleg, understrekar Bjørlo.