– Å flytte «ut på gata» i Malakoff-veka er med å gjere kontakt med kommunen lettare for folk. Samtidig er det viktig for kommunen å vere synleg og lett tilgjengeleg når 10.000 menneske kjem til Nordfjordeid på Malakoff Rockfestival. Eid er for tida inne i ei rivande utvikling med folketalsvekst og nye etableringar – og vi ynskjer endå fleire velkomne i åra som kjem, seier Bjørlo.
– Det skal vere trygt å gå på Malakoff, ikkje ein stad ein debuterer med narkotika
Nytt av året er at kommunen har laga eit spesielt opplegg retta mot born for å syne fram «Bornas Nordfjordeid», med eige barnekart over Eid og rebusløype. Bjørlo deler ut gåve og helsing til borna som har løyst den.