Blitt ein Tradisjon: Flatraket idrettslag og leiar Stig Ødegård arrangerer Flatraksfestival på Naustteigen for sjuande gong denne helga. – Inntrykket er at bygda set pris på denne festivalen, og det er ein kjekk tradisjon å halde ved like, seier Ødegård. arkivfoto: Benedikte Flataker

Blitt ein Tradisjon: Flatraket idrettslag og leiar Stig Ødegård arrangerer Flatraksfestival på Naustteigen for sjuande gong denne helga. – Inntrykket er at bygda set pris på denne festivalen, og det er ein kjekk tradisjon å halde ved like, seier Ødegård. arkivfoto: Benedikte Flataker

Klar for tradisjonsrik festival

– Det vert Flatraksfestival akkurat slik vi kjenner han, med fotballkamp, pubquiz, og ikkje minst dans med Vassverkgutane, seier Stig Ødegård.

Han og resten av Flatraket idrettslag er aktuelle med den årlege festivalen i bygda, fredag og laurdag denne helga.

– Vi køyrer same programmet som dei seks førre åra. Med seriekamp fredag og etterfølgande pubquiz. Vassverkgutane spelar opp til dans utover kvelden på laurdag.

Laurdag var den opprinnelege planen også å arrangere idrettsdag for borna, men idrettslaget har beslutta å utsette denne til søndag 3. september.

Leiinga må også vurdere vêr og vind før arrangementet fredag.

–  Dersom vinden stilnar tidleg nok på fredag, set vi opp teltet. Hvis ikkje flyttar vi pub og quiz inn i Klubbhuset, melder Ødegård.

Ei samlande helg

Ødegård fortel at tanken bak festivalen er å lage ein samlingsplass i bygda, sidan ein verken har samfunnshus eller eit anna lokale for større arrangement.

– Så då har vi bestemt oss for å slå opp festivaltelt og lage til det vi har kalla ein festival. Vi tenker at det passar bra med denne helga, som er rett før studentar reiser for å studere, og det elles er mange som framleis er i heimtraktene.

– Inntrykket er at festivalen vert sett stor pris på i bygda. Og så har vi brukt å ha ein del besøkande frå nabobygder og kommunar, det er veldig kjekt, så det håpar vi på i år også.

Meir å lese på Fjordenes Tidende:
 
Leses nå