– Viss nokon av desse elevane kan tenke seg å velje akvakultur, stiller eg med lærlingplass, seier driftsleiar Viktor Flister ved Marine Harvest.
Nyleg hadde Flister besøk av elleve 5.–7.-klassingar frå Davik oppvekst på oppdrettsanlegget like ved Dombestein i Bremanger. Han er glad for å få vist fram kva dei kan tilby ungdom av framtidsmulegheiter. For i tillegg til at dei ønskjer stabil arbeidskraft slit dei også med å finne vaksen ungdom til å ta ekstrajobb hos seg.
– Vi har folk på skift kvar helg, men for ikkje å bruke opp dei fast tilsette, set vi inn vaksen ungdom også Men det er ikkje lett å finne. Her reiser dei unge vekk etter ungdomsskulen for å ta utdanning, seier Flister, som alltid er på jakt etter kandidatar.
– Akkurat no har vi vore heldige og funne oss to flotte karar frå Davik.
Omvisinga på anlegget starta med ein presentasjon av Marine Harvest og oppdrett før dei tok turen ut.
– Her fekk dei gå på ei merd, ta opp småfisken og prøve å fôre litt. Alle fekk prøve å styre den 13,5 meter lange katamaranen. Vi fortalde om lakselusa og at dei gode hjelparane, leppefisk og rognkjeks, vi bruker for å få bukt med den, seier Flister, som fortel at naturlege hjelpemiddel førebels held lusa i sjakk.
Sjå heille saka i papirutgåven til Fjordenes Tidende.