Kommuner, bedrifter, lag- og næringsorganisasjonar kan søke marint verdiskapingsfond for prosjekt som skal legge til rette for ei meir berekraftig utvikling av akvakulturnæringa i fylket.
Marint verdiskapingsfond har midlar som primært skal nyttast til delfinansiering av utviklingsprosjekt som skal legge til rette for ei meir berekraftig utvikling av akvakulturnæringa i fylket. Sekundært kan fondet vurdere tiltak som kan auke marin verdiskaping.
Fondet vart oppretta i 2010 og er finansiert av midlar som vart overførte frå staten i samband med konsesjonstildelinga for nye løyve til akvakultur i 2009. Fondet var i utgangspunktet på 11 millionar kroner. Etter siste tildeling i 2014, har fondet ein restkapital på i overkant av 3 millionar kroner.
Kommunar (gjerne samarbeidande), samarbeidande bedrifter, lag- og næringsorganisasjonar eller andre instansar (med org. nr.) i tett i samarbeid med næringsaktørar kan søke om midlar. Utviklingsprosjektet må ha forankring i relevante problemstillingar for oppdrettsbransjen i fylket.
Tiltak og prosjekt som får støtte skal ha ei klar forankring i Sogn og Fjordane, og bidra til ei berekraftig forvalting og/eller auka lokal verdiskaping.
Tilskot frå Marint verdiskapingsfond skal som hovudregel maksimalt utgjere 50 prosent av det samla kapitalbehovet for prosjektet. Søknadsfrist er 25. september, opplyser Sogn og Fjordane fylkeskommune på si nettside.