– Dette er ein milepæl, seier Anita Solberg i heimetenesta område Vågsøy, som no slepp å pålegge dei tilsette å bruke eigne bilar i arbeidstida.
Solvang-brørne satsar i Stryn
Ho er ein av dei mellom 90 og 100 tilsette i heimetenesta i Vågsøy, som fram til no har brukt eigen bil på jobb.
– Det har vore slik at vi ikkje veit om vi må bruke eigne bilar på jobb eller ikkje, seier Nilsen.
Brødrene jubler over å ha nådd målet
– Vi fekk sett av ekstra midlar frå kommunen til å lease sju bilar til, så no skal alle i heimetenesta ha eigen bil. Det er nok til alle som er på dagvakt, og til dei som er på seinvakt, seier tenesteleiar Anita Solberg.
Etterlengta
– Dette er eit kjempeløft for tenesta. Vi har venta lenge på dette, seier gruppeleiar Maren Sumstad Bakke i sone Måløy, og får støtte frå tenesteleiaren.
– Eg begynte i område Vågsøy i 1999 og allereie då var dette ein diskusjon. Dette har vore eit ønske frå dei tilsette og tillitsvalde lenge, så dei tilsette er veldig glade, seier Solberg.
Skal bygge ut for 35 millioner
– Det står jo i utlysingane våre no at ein må sertifikat og vere nøydde til å disponere eigen bil. Det siste kan vi no ta vekk i framtidige utlysingar.
Miljøfaktor
Rune Solvang i Toyota Nordfjord er svært nøgd med «storleveransen» på sju hybridbilar til kommunen, og peikar på miljøgevinsten.
– Det er låge utslepp og forbruk, seier Solvang, som vidare fortel at Toyota Nordfjord er miljøsertifisert etter ISO-standard.
– Og det fine med hybridbilar er jo at dei ladar seg sjølv, legg Solvang til.
– Det er jo mykje start, stopp og småkøyring, seier Solberg.
Tenesteleiaren er også nøgd med å kunne nytte seg av lokale forhandlarar.
– Det gjer det også enklare med tanke på service, seier ho.