Laurdag 21. mai opnar Galleri Dorthea ved Kulturhuset Heimen i Bremanger ei utstilling med Aase Botnmark sin kunst.
Aase Botnmark var fødd i Botnane i 1927 og døydde i 2012. Ho var dotter av Mette Susanne (Sanna) Øvrebotn og Kåre Øvrebotn. Aase gifta seg i 1948 med Kåre Botnmark og saman dreiv dei Vest Foto i Florø fram til 1969. Dei flytta då til Ullensaker i Akershus.
Aase hadde si utdanning som hospitant ved Statens Handverks- og kunstindustriskole i Oslo, under til dømes Per Ung.
Skal lage gitarar av sigarboksar
– Det var Aase sitt uttalte ønske at Bremanger kommune kunne disponere skulpturane etter henne. Frå laurdag har vi gleden av å presentere Aase Botnmark sin kunst i Galleri Dorthea, skriv Reidun Øvrebotten ved Kulturhuset Heimen i ei pressemelding.
Opninga av den nye utstillinga er ved kultursjef Espen Frøysland.
Det blir også enkel servering og underhaldning.