Førde Aarskog blir varaordførar

Alfred Bjørlo (V) held fram som ordførar i Eid kommune i eit samarbeid med H, KrF og FrP.

- Det blir eit breidt og godt samarbeid og vi trur at dette skal bli veldig bra, seier ordførar Alfred Bjørlo, som like før klokka eitt i natt presenterte dei nye samarbeidspartia i Eid kommune etter valet.

Varaordførar blir Eli Førde Aarskog (H).

-Dette er meget tilfredsstillande, seier Førde Aarskog etter at samarbeidet var avklart.

Det var KrF som sat med nøkkelen i forhandlingane etter at 95 prosent av stemmene var talde opp. Partiet var på vippen med eit mandat.

Kristeleg Folkeparti valte å jobbe saman med Venstre, Høgre og Framstegspartiet.