Gradestokken kraup oppover mot 20 grader då dei 23 hingstane som deltok i årets hingsteutstlling på Nordfjordeid gjekk i opptog gjennom Eid sentrum laurdag.
Folk i alle aldrar nytte høvet til å sjå dei flotte hestane og nyte godvêret. Dagleg leiar i Norsk Fjordhestsenter Magni Hjertenes Flyum kunne ikkje vore meir nøgd med avslutningsdagen av hingsteutstillinga.
- Det har vore ei fantastisk gjennomføring. Alle er strålande fornøgd, seier ho.
Ho meinerhingsteutstillinga har lukkast i å bli møteplassen for fjordhestfolket.
- Det er tidskrevjande å drive med fjordhest, og hest generelt. Hit kjem dei ein gang i året for å treffe andre med same interessa, frå dei heilt unge til dei heilt gamle, seier ho.
I tillegg til klassevis mønstring, opptog, barneriding og aktivitetar og folkeliv i Eidsgata, var det også kåring av hestane i dag.
- Det er jo høgdepunktet, det det er knytt aller mest spenning til, seier Hjertenes Flyum.
Les heile saka i Fjordenes Tidende si papirutgåve tysdag.