30.–31. mai inviterer ei rekke organisasjonar til Friluftshelg i Sogn og Fjordane med heile 14 ulike arrangement spreidd over heile fylket.
Fjordenes Tidende vil gjerne vise frem bilder fra den flotte helgen. Send dine bilder fra friluftshelgen til fjt@fjt.no eller bruk emneknaggen fjt.no på Instagram.
– Det er kanonkjekt at så mange lokale friluftsorganisasjonar stiller opp og inviterer nær sagt heile fylket til friluftshelg, smiler Åge Avedal i 4H Sogn og Fjordane, som er ein av organisasjonane som står bak Friluftshelga.
Søndag 31. mai blir det invitert til familiedag ni ulike stadar i fylket, og det blir arrangert turar med overnatting for ungdom fleire stader laurdag 30. til søndag 31. mai.
I Nordfjord kan du delta på familiedag mellom anna på Navestøylen i Kjølsdalen i Eid. Her blir det spikking, snikring av fugleholkar, natursti, fisking i Ljådalsvatnet, matlaging på bål og høve til å treffe nokre dyr.
Det blir òg aktivitetar på Søholmen i Bryggja i Vågsøy, i Langedalen i Davik og i Berle i Bremanger.